दि.२३ जुन २०२१चा ग्रामविकास विभागाचा शासन निर्णय तातडीने रद्द करा.
थानेश्वर पाटील कायरकर
ब्रम्हपुरी/ता.प्र दि.२९ जुन२०२१.
मनोज अगळे
9765874115
पंधराव्या वित्त आयोग अनुदानातून ग्रामपंचायतींना पथदिवे व पाणीपुरवठा योजनेचे विज बिल भरण्या बाबतचा 23 जून 2021 चा ग्रामविकास विभागाचा शासन निर्णय अत्यंत चुकीचा असून ग्रामपंचायतीवर अन्याय करणारा आहे. त्यामुळे सदर शासन निर्णय तातडीने रद्द करण्यात यावा अशी मागणी ब्रह्मपुरी पंचायत समिती सदस्य थानेश्वर पाटील कायरकर यांनी केली आहे.
ग्रामपंचायतींना रस्ते, जोडरस्ते, सांडपाणी निचरा,पिण्याच्या पाण्याची व्यवस्था, नाली बांधकाम ग्रामपंचायतीच्या विकासासाठी आवश्यक साहित्य सामग्री, इत्यादी विकासात्मक कामांकरिता 15 वा वित्त आयोगाच्या अंतर्गत अनुदान प्राप्त होत असते. या अनुदानातून ग्रामपंचायतींना गावात अनेक विकास कामे करण्यासाठी निधी उपलब्ध होत असते. परंतु राज्य सरकारच्या सदर निर्णयाने त्या अनुदानातून गावातील पथदिवे व पाण्याच्या योजनांचे वीजबिल तातडीने भरणा करण्यात यावे असे आदेशित केले आहे. या निर्णयाचा ग्रामपंचायतीच्या विकास कामावर विपरीत परिणाम होणार असून राज्य सरकार पथदिवे व पाणी पुरवठा योजनांच्या विजबिला साठी निधी उपलब्ध करून न देता असे जीआर काढणे अत्यंत चुकीचे असून ग्रामपंचायतींना मिळणारा विकासाचा निधी अन्य कामात वापर करून घेणे योग्य नाही. त्यामुळे सदर शासन निर्णय तातडीने रद्द करण्यात यावा अशी मागणी ब्रम्हपूरी पंचायत समिती सदस्य थानेश्वर पाटील कायरकर यांनी माननीय मुख्यमंत्री उद्धवराव ठाकरे, माननीय उपमुख्यमंत्री अजित पवार, माननीय जिल्ह्याचे पालकमंत्री विजय वडेट्टीवार, माननीय ग्रामविकास मंत्री हसन मुश्रीफ, यांना मेल द्वारे पाठविलेल्या निवेदनातून केली आहे.