थरारक : पोंभुर्णा तालुक्यात अस्वलीने केला नागरिकांवर हल्ला, 4 जण गंभीर जखमी
चंद्रपूर जिल्हा प्रतिनीधी
प्रविण वाघे, 7038115037
पोंभुर्णा :- मिळालेल्या प्राथमिक माहितीनुसार चिचपल्ली वनपरिक्षेत्र अंतर्गत येत असलेल्या सातारा तुकुम येथील कक्ष क्रमांक-436, कक्ष क्रमांक-435 येथे गुराख्यानी आपआपले गुरे चरायला नेले असता दाट जंगलात दबा धरुन बसलेल्या अस्वलाने अचानकपणे हल्ला केला.
एकाच दिवशी दोन ठिकाणी अस्वलीच्या हल्ल्यात 4 नागरिक गंभीर जखमी झाले.
पहिल्या घटनेत सातारा तुकुम कक्ष क्रमांक-436 येथे गुरे चारणार्या 57 वर्षीय आणि 54 वर्षीय नागरिक अस्वलाच्या हल्लात गंभीर जखमी झाले. तर दुसऱ्या घटनेत सातारा तुकुम कक्ष क्रमांक -435 (FDCM) येथे गुरे चारणार्या 45 वर्षीय आणि 32 वर्षीय नागरिक अस्वलाच्या हल्ल्यात जखमी झाले. हि घटना शनिवारी 3 जुलै ला 1 वाजताच्या सुमारास घडली.
सातारा तुकुम येथील विलास तुकाराम पेंदोर वय 54 वर्ष, सीताराम किसन मडावी वय 57 वर्ष यांनी कक्ष क्रमांक-436 नेहमी गुरे जंगलात चरण्याकरीता नेत असतात मात्र 3 जुलै ला दाट जंगलात दबा धरुन बसलेल्या अस्वलाच्या केलेल्या हल्यात गंभीर जखमी झाले.
तर दुसऱ्या घटनेत सातारा तुकुम येथील प्रफुल रघुनाथ सिडाम वय- 45 रा. सातारा तुकुम, रुपेश गजानन कुळमेथे वय. 32 रा.भानसी ता. सावली यांनी सातारा तुकुम कक्ष क्रमांक-435 (FDCM) गुरे जंगलात चारण्याकरीता नेले असता दाट जंगलात दबा धरुन बसलेल्या अस्वलाच्या हल्यात जखमी झाले.
सदर घटनेची माहिती वनविभागास मिळाली असता वनविभागाचे कर्मचारी घटनास्थळी पोहचले. ४ जणांना जिल्हा सामान्य रुग्णालयात चंद्रपूर येथे दाखल करण्यात आले. गंभीर जखमी विलास तुकाराम पेंदोर यांच्या कुटुंबांना वनविभाग कर्मचारी मडावी यांचे कडून आर्थिक मदत देण्यात आली.