अल्पवयीन मुलीचा विनयभंग ! करने पडले युवकाला महागात आरोपीला चिमुर पोलिसांनी केली अटक
प्रतिनिधी नेरी- प्रवीण वाघे
नेरी येथून जवळ असलेल्या शिवनपायली येथील अल्पवयीन मुलीचा एका युवकाने महाविद्यालयातुन सायकल ने घरी परत जात असताना वाटेत एकटीच पाहून मोटरसायकल ने पाठलाग करून वाटेत अडवून काल दि 7 मार्चला 5,30 वाजता जबरदस्ती करून विनयभंग केला याप्रकरणी आरोपी युवकावर गुन्हा दाखल करून पोलिसांनी त्याला अटक केली आहे
शिवनपायली येथील अल्पवयीन पिडीता नेहमीप्रमाणे चिमुर येथे सायकलने काँलेजला जाऊन नेरी येथे परत येत होती. वाटेत आरोपी वैभव नाकाडे यांनी दि. 7 मार्च ला सायंकाळी 5.30 वा. च्या सुमारास सदर मुलीचा मोटार सायकलने पाठलाग केला. मोटार सायकल व पिडीतेची सायकल बरोबरीत आणून डाव्या हाताने पिडीतेची कंबर पकडली, पिडीतेच्या सायकलचा हँडल फिरवून पिडीतेस जमीनीवर पाडले. सायकल पडल्यामुळे पिडीतेच्या हाताला दुखापत झाली.त्यामुळे युवती ओरडू लागली आणि पळत सुटली तिच्या. मागे आरोपीने आपली मोटार सायकल रस्त्यावर ठेवून तिचा पाठलाग केला व पाठीमागून पिडीतेस पकडून तिचे तोंड दाबून रोडच्या बाजूला नेऊन विनयभंग केला. या प्रकरणाची तक्रार पिडीत युवतीने चिमुर ठाण्यात दिल्यानंतर तपास यंत्रणा वेगाने फिरवून आरोपीस तपासाअंती गुन्हा दाखल करून पोलिसांनी आरोपीस अटक केली. आरोपीविरुद्ध अप.क्र.81/2022 कलम 341, 354, 354 (ब) 354 (ड (1) 336, 337, भांदवी सहकलम 8 ले.अ.बा.सं अधी, 2012 सह अ.जा.ज.अ.प्र.का.सुधारित अधिनियम 2015 नुसार गुन्हा दाखल कलम, 3 ( 1 ) (डब्लु ) (आय) (आय आय) , 3 (2) (व्हीए) अंतर्गत गुन्हा दाखल करण्यात आला
सदरील तपास चिमुरचे उपविभागीय पोलीस अधिकारी संजय सांगडे यांचे मार्गदर्शनाखाली ठाणेदार मनोज गभने, आलीम शेख पो. उपनिरीक्षक, मंगेश मोहोड सहा. पोलिस निरीक्षक व त्यांची टिम करित आहे. या घटनेमुळे पालकवर्गात चिंतेचे वातावरण निर्माण झाले आहे.