सावखेड येऊन ते चिंचोली रस्त्यांच दुरावस्था
प्रशासनाने दुर्लक्ष
सिंदखेडराजा राजा
तालुका प्रतिनिधी समाधान बंगाळे
सिंदखेड राजा : येथून जवळच असलेल्या मेहकर जालना राष्ट्रीय महामार्गालगत सावखेड तेजन चिंचोली या मार्गाची अत्यंत दुरावस्था झाली आहे . रस्त्यावर मोठमोठे खड्डे असल्याने , या त्यावरून वाहने तर दूरच पायी चालणेही कठीण झाले आहे . या खड्यांमध्ये पावसाचे पाणी साचल्याने वाहन चालकांना अंदाज येत नाही , त्यामुळे अपघातात वाढ झाली आहे . सावखेड तेजन - चिंचोली जहागीर हा रस्ता पुढे थेट मराठवाडा हद्दीला जोडला जातो . या रस्त्यावर सावखेड तेजन , हणवतखेड , महारखेड , खामगाव , वाघोरा , सुलजगाव , चिंचोली जहागीर , पुढे पास्टा , सोनदेव शेवलीमार्गे वाटूर फाटा राष्ट्रीय महामार्गाला जोडला जातो . अनेकांना रोज बाजारपेठ आणि आपल्या दैनंदिन , तसेच सरकारी कामासाठी तहसील कार्यालय , पंचायत समिती , वीज कार्यालय इत्यादी महत्त्वाच्या कामासाठी रोज सिंदखेड राजा येथे येणे - जाणे करावे लागते . गावामध्ये गंभीर रुग्ण असेल , तर उपचाराकरिता तातडीने जालना येथे दवाखान्यात जावे लागते , परंतु मागील दहा ते पंधरा वर्षांपासून या रस्त्याचे नूतनीकरण करण्यात आले नाही . सध्या रस्त्याच्या खड्यात पाणी साचल्याने अपघातात वाढ झाल्याचे चित्र आहे .
ग्रामस्थांच्या मागणीकडे | होतेय दुर्लक्ष या रस्त्याची दुरुस्ती करण्याची मागणी परिसरातील ग्रामस्थांनी सार्वजनिक बांधकाम विभागाकडे केली आहे .
मात्र , या मागणी सार्वजनिक बांधकाम विभागाने याकडे दुर्लक्ष केले . या रस्त्यावरील खड्ड्यामुळे अनेक जणांचा अपघात घडला असून , अनेकांना अपंगत्व आले आहे . त्यामुळे या रस्त्याची तातडीने दुरुस्ती करण्याची मागणी परिसरातील ग्रामस्थांनी केली आहे .
सावखेड तेजन - चिंचोली जहाँगीर या मार्गावर अनेक ठिकाणी खड्डे पडले आहेत . अनेक वेळा लोकप्रतिनिधी आणि बांधकाम विभागाला निवेदने दिली आहेत . हा रस्ता लवकर होणे गरजेचे आहे अन्यथा एखादा मोठा अपघात होण्याची शक्यता नाकारता येत नाही
गजानन घुले , भाजप तालुका अध्यक्ष , सिंदखेड राजा
- .