रा. कॉं. चिखली विधानसभाध्यक्षपदी प्रमोद पाटील यांची निवड......

प्रतिनिधी:-चिखली

चिखली : राष्ट्रवादी काँग्रेसचे नेते प्रमोद पाटील यांची चिखली विधानसभा मतदारसंघाच्या अध्यक्षपदी नियुक्ती करण्यात आली आहे. पक्षाचे जिल्हाध्यक्ष अँड. नाझेर काझी यांनी दि. २५ मे रोजी पाटील यांनी या पदावर नियुक्ती केली.

अनेक वर्षांपासून राष्ट्रवादी काँग्रेसचे कार्य करणारे प्रमोद पाटील यांचा चिखली मतदारसंघात व्यापक जनसंपर्क आहे. पक्षाध्यक्ष शरदराव पवार यांचे पुरोगामी आणि विकासात्मक विचार तळागाळापर्यंत पोहचवून जिल्ह्याचे पालकमंत्री डॉ. राजेंद्र शिंगणे यांच्या नेतृत्वाखाली पक्ष मजबूत करण्याची जबाबदारी पाटील यांच्यावर वरिष्ठांनी सोपवली आहे. पक्षनेत्यांनी व्यक्त केलेली अपेक्षा पूर्ण करण्यासाठी आपण सर्वतोपरी प्रयत्न करु अशी ग्वाही प्रमोद पाटील यांनी आपल्या नियुक्तीसंदर्भातील प्रतिक्रियेत दिली. या नियुक्तीबद्दल पाटील यांचे अभिनंदन होत आहे.