नेरी - जांभुळघाट रस्त्यावर खड्डेच खड्डे आज सकाळी फसला धानाचा ट्रक चक्क दोन तास वाहतूक ठप्प
चंद्रपूर जिल्हा प्रतिनिधी
प्रवीण वाघे मो, 9673472206
चिमुर तालुक्यातील नेरी जांभुळघाट रस्त्यावर खड्डे च खड्डे पडल्याने वाहन धारकांना मोठा त्रास सहन करावा लागत आहे. नेरी येथील पिएचसी चौकापासून दोन किलोमीटर अंतरापर्यंत व त्याही पलीकडे या डांबरीकरण रस्त्यावर मोठ मोठे खड्डे पडले आहेत
त्यामुळे या रस्त्याने वाहन चालवावे कसे असा प्रश्न वाहन चालकांना पडला आहे त्या रस्त्याने मोटारसायकल स्वार,चारचाकी वाहन धारकांना पडला आहे अनेक दिवसांपासून या रस्त्यावर मोठाले खड्डे पडलेले असुन संबंधित विभागाकडून हे खड्डे बुजविण्याचे पाऊल का उचलण्यात येत नाही असा प्रश्न अनेकांना सतावत आहे
या मार्गावर आज सकाळी ११ वाजताच्या दरम्यान MH-40-Y-1897 या क्रमांकाचा धानाचा ट्रक फसला होता.त्यामुळे वाहतूक ही दोन तास विस्कळीत झाली होती, त्यामुळे आजुबाजूच्या परीसरातील नागरीकांना मोठा त्रास सहन करावा लागला, नंतर गावातील नागरीकांनी जेसीबी च्या साहाय्याने ट्रक बाजुला करुन वाहतूक ही सुरळीत चालु केली आजपर्यंत या रस्त्यावर खड्यामुळे अनेक वाहनांची नुकसान झाली आहे, या खड्यामुळे कित्येक अपघात सुद्धा झाले आहेत मागील दोन ते तिन वर्षापूर्वी या रस्त्याचे डांबरीकरण करण्यात आले, मात्र अल्पावधीतच डांबर उखडून गेल्याने या रस्त्याचे बांधकाम निक्रुष्ट दर्जाचे करण्यात तर आले नाही ना असाही प्रश्न गावकऱ्यांना भेडसावत आहे
या रस्त्याचे रुंदीकरण करून खड्डे त्वरित बुजवून रस्ते वाहतुकीस सुरळीत करण्यात यावे अशी जनतेची मागणी आहे.