क्रिकेट च्या वाघाची ताडोबात तिसरी एंट्री, सचिन तेंडुलकर आपल्या कुटुंबीयांसह थांबनार ४ दिवस चंद्रपूर जिल्यात ताळोबा सफारीवर
सात महिण्यानंतर पुर्वी १२ वाघाचे दर्शन घेऊन परतले होते आता चिन झरणी, छोटी तारा, झुनाबाईच्या भेटीला.चिमुर तालुक्यातील मदनापूर गेट मधून पहिली सफारी
चंद्रपूर जिल्हा प्रतिनिधी
प्रवीण वाघे मो, 7038115037
ताडोबातील व्याघ्र दर्शनासाठी पर्यटकांचे विशेष आकर्षण असलेल्या ताडोबा व्याघ्र प्रकल्पात सात महिन्यानंतर पुन्हा मास्टर ब्लास्टर सचिन तेंडुलकर पत्नी डॉक्टर अंजलीसह शनिवारी (4 सप्टेंबर 2021) ला दुपारच्या सुमारास ताडोबात दाखल झाला आहे. त्यांच्या सोबत कुटुंबातील अन्य तिघांचाही समावेश आहे. विशेष म्हणजे मागील जानेवारी महिन्यामध्ये सचिन तेंडुलकर आपल्या कुटुंबीयांसमवेत तब्बल चार दिवस ताडोबात मुक्कामी होते. यावेळीही ते 7 सप्टेंबर पर्यंत चार दिवस मुक्कामी आहेत. देशभरातील पर्यटकांना ताडोबा अभयारण्यात वाघांचे हमखास दर्शन होत असल्यामुळे ताडोबा व्याघ्र प्रकल्प विशेष आकर्षणाचे केंद्र ठरले आहे. त्यामुळेच ताडोबात व्याघ्र पर्यटनाकरिता राजकीय, सिनेसृष्टी असो वा खेळातील सेलिब्रेटींची हजेरी लागत असते.
शनिवारी मास्टर ब्लास्टर सचिन तेंडुलकर त्यांची पत्नी डॉक्टर अंजलीसह दुपारच्या सुमारास नागपूर एरपोर्ट येथून ताडोबात दाखल झाले आहे. त्याच्या समवेत कुटूंबातील अन्य तिघांचा समावेश आहे. ताडोबात दूपारी आगमन झाल्यानंतर चिमूर तालुक्यातील बांबू रिसॉर्ट येथे काही वेळ त्यांनी विश्रांती घेतली. त्यानंतर दुपारी साडेतीच्या सुमारास मदनापूर गेट वरून त्यांनी जंगलसफारीकरीता ताडोबात प्रयाण केले आहे. विशेष म्हणजे कोविड कालावधी असल्याकारणाने त्यांच्या ताडोबातील आगमणाबाबत कमालीची गुप्तता बाळगण्यात येत आहे. दुपारपासून साडेतीन ते साडेसहा पर्यंतच्या कालावधीत त्यांना पर्यटनाचा आनंद व्याघ्र दर्शनामुळे द्विगुणित करता येणार आहे. मास्टर ब्लास्टर सचिन ताडोबात चार दिवस 7 सप्टेंबर 2021 पर्यंत मुक्कामी राहणार आहेत. सात महिन्यापूर्वी जानेवारी महिन्याच्या अखेरीस सचिन हा आपल्या कुटूंबातील सदस्यांसह चार दिवसाच्या ताडोबा मुक्कामी आला होता. या दरम्यान चार दिवसाच्या जंगल सफारीत वाघ, वाघीणींचे दर्शन तर झालेच पंरतु ताडोबाची शान असलेल्या झरणी, छोटी तारा, झुनाबाईचे त्यांना दर्शन घेता आले. या वाघ वाघिणींनी त्यांना विशेष भूरळ घातली.
सात महिन्यानंतर ही भूरळ कायम असल्याने पुन्हा आज शनिवारी मास्टर ब्लास्टर सचिन तेंडूलकर हे पत्नी डॉक्टर अंजली आणि परिवारातील अन्य तिन सदस्यांसह ताडोबात दाखल झाले आहेत. आज 4 वाजताच्या दरम्यान मदनापूर प्रवेशद्वारातून त्यांनी पहिली सफारी ताडोबाच्या बफर झोन मध्ये सूरू केली आहे. रात्री 7 वाजता मदनापूर गेट मधूनच बांबू रिसोर्ट वर परत आले असून, यावेळी वाघाची कोणतीही सायडिंग झालेली नाही आहे. रात्रौ पुन्हा नाईट सफारी करिता जाणार असल्याची माहिती आहे. मागील वेळेस या प्रवेशद्वारातून बच्छडे, आणि वाघासह झुणाबाईला सचिन यांना जवळून न्याहाळता आले हे विशेष! यावेळीही ते चारच दिवसाच्या ताडोबा मुक्कामी राहणार आहेत. या कालावधीत विविध प्रवेशद्वारातून जंगलसफारी करून वाघांचे दर्शन घेऊन परतणार असल्याची माहिती आहे.